ਜਦੋਂ ਵੀ ਕੋਈ ਲੇਖਕ ਲਿਖਦਾ ਹੈ, ਲੇਖ, ਕਹਾਣੀ, ਨਾਟਕ, ਨਾਵਲ ਤੇ ਕਵਿਤਾ, ਸਭ ਤੋਂ ਵੱਡੀ ਗਲਤੀ ਉਹ ਇਹ ਆਸ ਕਰਕੇ ਕਰਦਾ ਹੈ ਕਿ ਉਸ ਦੀ ਰਚਨਾ ਦੀ ਸ਼ਲਾਘਾ ਹੋਵੇ | ਦੂਸਰੀ ਗਲਤੀ ਉਹ ਉਦੋਂ ਕਰਦਾ ਹੈ ਜਦੋਂ ਉਹ ਫੋਕੀ ਬੱਲੇ ਬੱਲੇ ਨੂੰ ਸਵੀਕਾਰ ਕਰ ਲੈਂਦਾ ਹੈ ਤੇ ਇੱਕ ਵਾਜਬ ਦੱਸੀ ਗਈ ਊਂਣ ਉੱਤੇ ਕਿੰਤੂ ਕਰਦਾ ਹੈ | ਤੀਸਰੀ ਗਲਤੀ ਉਹ ਉਦੋਂ ਕਰਦਾ ਹੈ ਜਦੋਂ ਉਹ ਮਿਲ ਰਹੇ ਇਨਾਮਾਂ ਦੀ ਦੌੜ ਮਗਰ ਲੱਗਦਾ ਹੈ | ਉੱਪਰ ਦੱਸੀਆਂ ਗੱਲਾਂ ਵਿਚੋਂ ਇੱਕ ਵੀ ਉਸ ਦੀ ਲੇਖਣੀ ਤੇ ਰਚਨਾ ਵਿੱਚ ਕੋਈ ਕਿਸੇ ਕਿਸਮ ਦਾ ਵਾਧਾ ਨਹੀਂ ਕਰਦੀ, ਇਸ ਕਰਕੇ ਉਸ ਨੂੰ ਇਨ੍ਹਾਂ ਗੱਲਾਂ ਤੋਂ ਪਾਸੇ ਹੀ ਰਹਿਣਾ ਚਾਹੀਦਾ, ਕਿਉਂਕਿ ਸਾਹਿਤ ਲਿਖਣਾ ਕਲਾ ਹੈ ਤੇ ਕਲਾ ਨੂੰ ਕਿਸੇ ਦੀ ਮੁਥਾਜੀ ਨਹੀਂ ਹੁੰਦੀ ! ਇੱਕੋ ਗੱਲ ਜੋ ਉਸ ਲਈ ਲਾਹੇਵੰਦ ਹੋ ਸਕਦੀ ਹੈ ਉਹ ਹੈ ਦੁਨੀਆਂ ਦੇ ਮਹਾਨ ਸਾਹਿਤਕਾਰਾਂ ਤੇ ਕਲਾਕਾਰਾਂ ਦੀਆਂ ਕਿਰਤਾਂ ਨੂੰ ਪੜ੍ਹਨਾ, ਵੇਖਣਾ ਤੇ ਸਮਝਣਾ | G.S. Nakshdeep Panjkoha