Talwar di dhar te

ਬੁਢਾਪਾ ਸਭ ਉੱਤੇ ਆਉਂਦਾ ਹੈ, ਪਰ ਹਾਲਾਤ ਬਦਲਣ ਦੇ ਨਾਲ ਨਾਲ ਬੁਢਾਪੇ ਵਿੱਚ ਦਰਪੇਸ਼ ਸਮੱਸਿਆਵਾਂ ਗੁੰਝਲਾਂ ਹੁੰਦੀਆਂ ਚਲੀਆਂ ਜਾਂਦੀਆਂ ਹਨ। ਗੁਰਬਾਣੀ ਵਿੱਚ ਮੌਤ ਵਾਂਗ ਮਨੁੱਖ ਨੂੰ ਬੁਢਾਪੇ ਬਾਰੇ ਵੀ ਚੇਤੇ ਕਰਵਾਇਆ ਜਾਂਦਾ ਹੈ ਤਾਂਕਿ ਮਨੁੱਖ ਸਮਝ ਸਕੇ ਕਿ ਸਭ ਕੁੱਝ ਬਦਲਣ ਦੀ ਧਾਰਾ ਅਧੀਨ ਹੈ। ਜਿਹੜਾ ਮਨੁੱਖ ਆਪਣੀ ਜ਼ਿੰਦਗੀ ਵਿੱਚ ਆਪਣੇ ਮਨ ਮਗਰ ਲੱਗ ਕੇ ਕੁਰਾਹੇ ਪੈ ਕੇ ਜੁਰਮ ਕਰਦਾ ਹੈ, ਉਹ ਜੇ ਥੋੜ੍ਹੀ ਬਹੁਤੀ ਚੇਤਨਤਾ ਰੱਖਦਾ ਹੋਵੇ, ਉਸ ਲਈ ਉਹ ਜੁਰਮ ਇੱਕ ਅਜਿਹਾ ਭਾਰ ਬਣ ਜਾਂਦੇ ਹਨ ਕਿ ਉਹ ਉਨ੍ਹਾਂ ਨੂੰ ਲਾਹਕੇ ਜਿਉਣ ਦਾ ਇੱਛਕ ਹੋ ਜਾਂਦਾ ਹੈ, ਪਰ ਇਹ ਜ਼ਰੂਰੀ ਨਹੀਂ ਕਿ ਉਹ ਜੁਰਮ ਦਾ ਇਕਬਾਲ ਮਨੁੱਖ ਨੂੰ ਮਾਨਸਿਕ ਤਣਾਓ ਤੋਂ ਖਲਾਸੀ ਦਿਵਾ ਸਕੇ। ਇਹ ਵੀ ਇੱਕ ਤੱਥ ਹੈ ਕਿ ਜੁਰਮ ਸਿਰਫ਼ ਅਨਪੜ੍ਹ ਗਵਾਰ ਜਾਂ ਘੱਟ ਵਿੱਦਿਆ ਵਾਲੇ ਹੀ ਨਹੀਂ ਕਰਦੇ, ਬਲਕਿ ਭਲੇ ਚੰਗੇ ਪੜ੍ਹੇ ਲਿਖੇ ਉਹ ਲੋਕ, ਜੋ ਚੰਗੇ ਅਹੁਦਿਆਂ ਉੱਤੇ ਰਹਿੰਦੇ ਹਨ, ਵੀ ਜੁਰਮ ਕਰਦੇ ਚਲੇ ਜਾਂਦੇ ਹਨ। ਜੁਰਮ ਕਿਸੇ ਵੀ ਤਰ੍ਹਾਂ ਦਾ ਹੋ ਸਕਦਾ ਹੈ ਜਿਵੇਂ ਰਿਸ਼ਵਤਖੋਰੀ, ਧੱਕਾ, ਮੌਕਾ-ਪ੍ਰਸਤੀ, ਲਾਲਚ, ਕ੍ਰੋਧ, ਅਤੇ ਕਿਸੇ ਵੀ ਕਿਸਮ ਦਾ ਸ਼ੋਸ਼ਣ। ਕਤਲ ਨੂੰ ਹੀ ਸਭ ਤੋਂ ਵੱਡਾ ਗੁਨਾਹ ਮੰਨਿਆ ਜਾਂਦਾ ਹੈ, ਪਰ ਮੇਰੀ ਜਾਚੇ ਕਿਸੇ ਔਰਤ ਦਾ ਕਿਸੇ ਵੀ ਹਾਲਤ ਵਿੱਚ ਬਲਾਤਕਾਰ ਓਡਾ ਵੱਡਾ ਹੀ ਜੁਰਮ ਹੈ ਭਾਵੇਂ ਕਈ ਲੋਕ ਮੇਰੇ ਨਾਲ ਨਾ ਵੀ ਸਹਿਮਤ ਹੋਣ, ਕਿਉਂਕਿ ਜਿਸ ਮਾਨਸਿਕ ਅਵਸਥਾ ਵਿੱਚੋਂ ਬਲਾਤਕਾਰ ਤੋਂ ਬਾਅਦ ਔਰਤ ਨਿਕਲਦੀ ਹੈ, ਉਹ ਬੜੀ ਅਸਹਿ ਹੁੰਦੀ ਹੈ। ਇਸ ਨਾਵਲ ਦਾ ਪਾਤਰ ਰੌਨ ਬਲਾਤਕਾਰ ਨੂੰ ਬਹੁਤ ਬੁਰਾ ਮੰਨਦਾ ਹੈ, ਪਰ ਕਿਸੇ ਦੀ ਗਰੀਬੀ ਤੋਂ ਲਾਭ ਉਠਾਉਂਦਿਆਂ ਘਿਨਾਉਣੇ ਜੁਰਮ ਕਰਨ ਬਾਰੇ ਉਹ ਚੁੱਪ ਹੀ ਨਹੀਂ ਬਲਕਿ ਆਪਣੇ ਕੀਤੇ ਜੁਰਮ ਨੂੰ ਉਹ ਜਾਇਜ਼ ਠਹਿਰਾਉਂਦਾ ਹੈ। ਦਰਅਸਲ ਗੁਨਾਹ ਗੁਨਾਹ ਹੁੰਦਾ ਹੈ। ਇਸ ਨਾਵਲ ਦਾ ਦੂਸਰਾ ਪਾਤਰ ਬਲਰਾਜ ਵੀ ਗੁਨਾਹ ਕਰਦਾ ਹੈ, ਉਹ ਦਾ ਕਿਸੇ ਜੁਰਮ ਦਾ ਇਕਬਾਲ ਸੁਣਕੇ ਵੀ ਚੁੱਪ ਰਹਿਣਾ ਇਹ ਸੋਚ ਕੇ ਕਿ ‘ਚਲੋ ਜੋ ਹੋ ਗਿਆ ਸੋ ਹੋ ਗਿਆ’ ਵੀ ਇੱਕ ਗੁਨਾਹ ਹੀ ਹੈ। ਗੁਨਾਹ ਕਦੇ ਵੀ ਹੋਵੇ, ਇਤਿਹਾਸ ਵਿੱਚ, ਹੁਣ ਵਿੱਚ ਜਾਂ ਭਵਿੱਖ ਵਿੱਚ, ਇਸ ਨੂੰ ਨੰਗਾ ਕਰਨਾ ਬਹੁਤ ਜ਼ਰੂਰੀ ਹੈ।

ਪੁਸਤਕ : ਤਿਲਕਣ (ਨਾਵਲ) ਲੇਖਕ : ਗ.ਸ. ਨਕਸ਼ਦੀਪ ਪੰਜਕੋਹਾ

ਪ੍ਰਕਾਸ਼ਕ : ਆੱਟਮ ਆਰਟ ਕੀਮਤ : 175/-

–

“ਤਿਲਕਣ” (ਨਾਵਲ) ਮੰਗਵਾਉਣ ਲਈ ਸੰਪਰਕ ਕਰੋ :

Autumn Art, 31, Virk Bagh Colony, Saifdipur, Near Punjabi University, Patiala – 147002 Whatsapp : +91- 91158-72450

–

Punjabi Novel : Tilkan Writer : G.S.Nakshdeep Panjkoha

Publisher : Autumn Art Price : 175/-

–

Buy Tilkan from:

Autumn Art, 31, Virk Bagh Colony, Saifdipur, Near Punjabi University, Patiala – 147002 Whatsapp : +91- 91158-72450

“ਤਲਵਾਰ ਦੀ ਧਾਰ ‘ਤੇ / Talwar Di Dhar Te” Punjabi Novel available to buy

ਹੱਥਲਾ ਨਾਵਲ ‘ਤਲਵਾਰ ਦੀ ਧਾਰ ‘ਤੇ’ ਤਿੰਨ ਨੁਕਤਿਆਂ ਨਾਲ ਸੰਬੰਧਿਤ ਹੈ। ਇਸ ਦਾ ਮੁੱਖ ਪਾਤਰ ਕੁਲਦੀਪ ਦਾ ਪਿਛੋਕਾ ਦਲਿਤ ਪਰਿਵਾਰ ਨਾਲ ਹੈ, ਪਰ ਉਸ ਦੇ ਪਿਤਾ ਅਮਰ ਸਿੰਘ ਆਪਣੇ ਖਾਨਦਾਨ ਦੇ ਨਾਂ ਗਲਤ ਲੋਕਾਂ ਵੱਲੋਂ ਲਾਏ ਦਲਿਤ ਸ਼ਬਦ ਤੋਂ ਮੁਕਤੀ ਪਵਾਉਣ ਖਾਤਰ ਪਿੰਡ ਛੱਡਕੇ ਸ਼ਹਿਰ ਵਿੱਚ ਆ ਵੱਸਦਾ ਹੈ ਅਤੇ ਕੁਝ ਹੱਦ ਤੀਕ ਉਸ ਦੀ ਔਲਾਦ ਇਸ ਦੇ ਗਲਤ ਪ੍ਰਭਾਵ ਤੋਂ ਬਚੀ ਰਹਿੰਦੀ ਹੈ । ਦੂਸਰਾ ਨੁਕਤਾ ਇਹ ਹੈ ਕਿ ਪਰਦੇਸ ਵਿੱਚ ਕੁਲਦੀਪ ਦਾ ਅਤੇ ਇੱਕ ਮੁਲਮਾਨ ਕੁੜੀ ਅੰਬਰ ਦਾ ਆਪੋ ਵਿੱਚ ਪਿਆਰ ਹੋ ਜਾਂਦਾ ਹੈ, ਪਰ ਅੰਬਰ ਦੇ ਪਿਓ ਤੇ ਭਰਾ ਇਸ ਨੂੰ ਇੱਜਤ ਦਾ ਸਵਾਲ ਬਣਾਕੇ ਅੰਬਰ ਨੂੰ ਮਾਰਨ ਉੱਤੇ ਤੁਲੇ ਹੋਏ ਹਨ | ਭਾਵੇਂ ਅਮਰੀਕਾ ਦੇਸ਼ ਦਾ ਸਭਿਆਚਾਰ ਬਹੁਤ ਖੁੱਲ੍ਹਾ ਹੈ, ਪਰ ਉਹ ਆਪਣੀ ਕੱਟੜ ਸੋਚ ਤੋਂ ਛੁਟਕਾਰਾ ਪਾਉਣ ਤੋਂ ਬੇਵਸ ਹਨ। ਤੀਸਰਾ ਨੁਕਤਾ ਇਹ ਹੈ ਕਿ ਜਦੋਂ ਮਰਦ ਜਵਾਨੀ ਵਿੱਚ ਪਿਆਰ ਕਰਦਾ ਹੈ ਤਦ ਉਹ ਸਭ ਪਹਾੜੀਆਂ ਟਪਕੇ ਅਤੇ ਸਮਾਜਿਕ ਬੰਧਨ ਤੋੜਕੇ ਪਿਆਰ ਨੂੰ ਸਫਲਤਾ ਬਖਸ਼ਦਾ ਹੈ, ਪਰ ਜਦੋਂ ਉਸ ਦੀ ਧੀ ਆਪਣੀ ਨਸਲ ਜਾਂ ਧਰਮ ਤੋਂ ਬਾਹਰ ਨਿਕਲ ਕੇ ਵਿਆਹ ਕਰਵਾਉਂਦੀ ਹੈ ਤਦ ਉਹ ਤੜਫ ਉੱਠਦਾ ਹੈ। ਇਹੋ ਹਾਲ ਕੁਲਦੀਪ ਦਾ ਹੁੰਦਾ ਹੈ ਭਾਵੇਂ ਅੰਬਰ ਆਪਣੀ ਕੁੜੀ ਨਾਲ ਖੜਦੀ ਹੈ | ਇਸ ਦਾ ਮਤਲਬ ਇਹੋ ਹੈ ਕਿ ਕੁਲਦੀਪ ਦੇ ਵਿਚਾਰ ਪ੍ਰਗਤੀ ਕਰ ਗਏ, ਪਰ ਉਸ ਦਾ ਮਨ ਉਨ੍ਹਾਂ ਨੂੰ ਅਜੇ ਮੰਨਣ ਤੋਂ ਅਸਮਰੱਥ ਹੈ; ਇਹ ਕਿਰੀਆ ਦੋਗਲੇਪਣ ਤੇ ਤੰਗ ਸੋਚ ਦੀ ਲਖਾਇਕ ਹੈ। ਇਹ ਸੱਚ ਸਮਝਕੇ ਕਿ ਕੋਈ ਜਾਤ ਜਾਂ ਨਸਲ ਅਸਲੀਅਤ ਨਹੀਂ ਹੁੰਦੀ ਬਲਕਿ ਕਿਸੇ ਗੰਦੇ ਦਿਮਾਗ ਦੀ ਕਾਢ ਹਨ, ਬਹੁਤੇ ਲੋਕ ਪੁਰਾਣੀ ਸੋਚ ਨਾਲ ਜੁੜੇ ਰਹਿਣ ਦੀ ਬਿਮਾਰੀ ਤੋਂ ਅਜੇ ਮੁਕਤ ਨਹੀਂ ਹੋ ਸਕੇ, ਪਰ ਪਿਓ ਧੀ ਦੇ ਮੋਹ ਦੀ ਤਾਕਤ ਵੀ ਇਸ ਨਾਵਲ ਵਿੱਚ ਵਿਖਾਈ ਗਈ ਹੈ, ਜੋ ਅਕਸਰ ਤਬਦੀਲੀ ਲਿਆਉਣ ਵਿੱਚ ਕਾਮਯਾਬ ਹੁੰਦੀ ਹੈ। ਆਸ ਹੈ ਇਸ ਨੂੰ ਸਿਰਫ਼ ਇੱਕ ਪਿਆਰ ਕਹਾਣੀ ਕਰਕੇ ਹੀ ਨਾ ਸਮਝਿਆ ਜਾਵੇ ਬਲਕਿ ਇਸ ਪਿਆਰ ਕਹਾਣੀ ਨਾਲ ਜੁੜੀਆਂ ਸਮੱਸਿਆਵਾਂ ਦੇ ਕਾਰਣ ਨੂੰ ਸਮਝਕੇ, ਚੰਗੇ ਭਵਿੱਖ ਲਈ ਪ੍ਰਗਤੀਸ਼ੀਲਤਾ ਵੱਲ ਵਧਣ ਵੱਲ ਕੀਤੇ ਇਸ਼ਾਰਿਆਂ ਨੂੰ ਵੀ ਸਮਝਣਾ ਚਾਹੀਦਾ ਹੈ।

ਪੁਸਤਕ : ਤਲਵਾਰ ਦੀ ਧਾਰ ‘ਤੇ (ਨਾਵਲ)
ਲੇਖਕ : ਗ.ਸ.ਨਕਸ਼ਦੀਪ ਪੰਜਕੋਹਾ
ਪ੍ਰਕਾਸ਼ਕ : ਆੱਟਮ ਆਰਟ
ਕੀਮਤ : 175/-
“ਤਲਵਾਰ ਦੀ ਧਾਰ ‘ਤੇ” (ਨਾਵਲ) ਮੰਗਵਾਉਣ ਲਈ ਸੰਪਰਕ ਕਰੋ :
Autumn Art
#3, Virk Bagh Colony, Saifdipur, Backside Punjabi University, Patiala – 147002
Mobile : 91158-72450

Punjabi Novel : Talwar Di Dhar ‘Te
Writer : G.S.Nakshdeep Panjkoha
Publisher : Autumn Art
Price : 175/-
Buy Talwar Di Dhar ‘Te from:
Autumn Art
#3, Virk Bagh Colony,

Saifdipur, Backside Punjabi University, Patiala – 147002 (Punjab-India)
Mobile : 91158-72450