ਰੁੱਕਾ ਯੋਧਿਆਂ ਨੂੰ
ਇਸ ਮਾਹੌਲ ਵਿੱਚ ਜੋ ਫੈਲੀ ਹੈ, ਉਸ ਹਵਾ ਨੂੰ ਤੁਸੀਂ ਪੜ੍ਹੋ !
ਚਲਾਕੀਆਂ ਦੀ ਧੂੜ ਵਿੱਚ, ਰਲੇ ਹੋਏ ਗੈਰਾਂ ਨੂੰ ਤੁਸੀਂ ਫੜੋ !
ਜੀਵਨ ਖੋਹਿਆ ਜਾ ਰਿਹੈ, ਇਹ ਜਰੂਰੀ ਹੈ ਕਿ ਤੁਸੀਂ ਲੜੋ !
ਕੋਝੇ ਹੱਥਕੰਡਿਆਂ ਦਾ ਮੈਦਾਨ ਇਹ, ਲੋੜ ਹੈ ਕਿ ਤੁਸੀਂ ਖੜੋ !
ਆਪਣੇ ਇਸ ਹੱਕ ਦੇ ਤਾਜ ਤੇ, ਕੁਰਬਾਨੀਆਂ ਦੇ ਲਾਲ ਜੜ੍ਹੋ!
ਝੂਠ ਦੇ ਲਾਰਿਆਂ ਨੂੰ ਤੁਸੀਂ, ਆਪਣੀ ਨਾਲ ਦ੍ਰਿੜਤਾ ਦੇ ਦੜੋ !
ਧੱਕਿਆਂ ਦੇ ਗਰਮ ਤੇਲ ਵਿੱਚ, ਜੇ ਸੜਨਾ ਵੀ ਪਵੇ ਤਾਂ ਸੜੋ !
ਇਹ ਜੰਗ ਹੈ ਲੰਬਾ ਬੜਾ, ਨਾਲ ਧਿਆਨ ਨੀਤੀ ਨਿਤ ਘੜੋ !
ਹੱਕ ਨਕਸ਼ਦੀਪ ਟੀਸੀ ਤੇ ਤੁਹਾਡਾ, ਬੇਖੌਫ਼ ਹੋਕੇ ਟੀਸੀ ਚੜ੍ਹੋ !
ਇਸ ਮਾਹੌਲ ਵਿੱਚ ਜੋ ਫੈਲੀ ਹੈ, ਉਸ ਹਵਾ ਨੂੰ ਤੁਸੀਂ ਪੜ੍ਹੋ !
ਚਲਾਕੀਆਂ ਦੀ ਧੂੜ ਵਿੱਚ, ਰਲੇ ਹੋਏ ਗੈਰਾਂ ਨੂੰ ਤੁਸੀਂ ਫੜੋ !
