19.12.2021 ਨੂੰ “ਪ੍ਰਾਈਮ ਉਦੇ” ਵਿਚ ਛਪੀ ਮੇਰੀ ਕਵਿਤਾ “ਤੂੰ ਬਣ ਅਮਿਤੋਜ”
ਤੂੰ ਬਣ ਅਮਿਤੋਜ
ਤੂੰ ਬਣ ਅਮਿਤੋਜ ਰੱਲ ਸਮੁੰਦਰੀਂ, ਜੋ ਕਦੇ ਵੀ ਮਰਦਾ ਨਹੀਂ |
ਬਣ ਫੁੱਲਾਂ ਦੀ ਮਹਿਕ ਜਿਸ ਤੋਂ, ਮਨ ਕੋਈ ਕਦੇ ਭਰਦਾ ਨਹੀਂ |
ਮਰਕੇ ਪਤੰਗਾ ਸ਼ਮਾ ‘ਤੇ, ਸੜ ਤਾਂ ਜਾਂਦਾ ਪਰ ਹਰਦਾ ਨਹੀਂ |
ਵਿਕਾਊ ਵਿਕਕੇ ਤਾਂ ਮਰ ਜਾਵੇ, ਤਲੀ ‘ਤੇ ਸਿਰ ਧਰਦਾ ਨਹੀਂ |
ਬਾਹਰ ਸੱਪਾਂ ਦਾ ਪਹਿਰਾ, ਅਹਲਣੇ ‘ਚ ਮਾਂ ਦਾ ਸਰਦਾ ਨਹੀਂ |
ਵੇਖ ਤੂਫਾਨਾ ਦਾ ਵਹਿਣ, ਹਿੱਮਤ ਦਾ ਘੜਾ ਕਦੇ ਖਰਦਾ ਨਹੀਂ |
ਜਿੱਤੇ ਕੋਈ ਲਹੂ ਨੂੰ ਵਹਾਕੇ, ਵਿਹਲੜ ਕਦੇ ਇਹ ਜਰਦਾ ਨਹੀਂ |
ਨਕਸ਼ਦੀਪ ਬੇਵਫ਼ਾਈ ਦਾ ਜਖਮ, ਸਾਰੀ ਉਮਰ ਹੀ ਭਰਦਾ ਨਹੀਂ |
