ਉੱਚੇ ਨੀਵੇਂ
“ਤੁਸੀਂ ਨੀਵੇਂ ਤੇ ਨੀਵੇਂ ਹੀ ਰਹੋਗੇ
ਇਹੋ ਹੈ ਸਾਡੇ ਸ਼ਾਸ਼ਤਰ ਦਾ ਕਥਨ
ਤੋੜਕੇ ਤਾਰੇ ਭਾਵੇਂ ਟੰਗੋ
ਮਿੱਟੀ ਉਪਜਾਉ ਹੈ
ਮਿੱਟੀ ਸਿਰ ‘ਤੇ ਨਹੀਂ ਚੁੱਕੀ ਜਾਂਦੀ |”
“ਤਾਰੇ ਤੋੜਕੇ ਲਿਆਵਾਂਗੇ
ਇਹ ਹੈ ਸਾਡਾ ਅਕੀਦਾ!
ਇਹ ਤਾਜ ਤੇਰਾ ਨਹੀਂ
ਇਹ ਉਨ੍ਹਾਂ ਦਾ ਜਿਨ੍ਹਾਂ
ਇਸ ਨੂੰ ਬਣਾਇਆ ਸਜਾਇਆ !
ਮਿੱਟੀ ਦਾ ਇਹ ਹੈ ਕਰਮ,
ਤੇਰੇ ਸਿਰ ਦੀ ਕੀ ਗੱਲ
ਤੈਨੂੰ ਸਾਰੇ ਨੂੰ ਢੱਕ
ਲਵੇਗੀ ਇੱਕ ਦਿਨ,
ਬਸ ਵਕਤ ਦੀ ਹੈ ਗੱਲ |
ਚੜ੍ਹਦੇ ਸੂਰਜ ਦੀ ਰੌਸ਼ਨੀ ਨੂੰ
ਕਾਲੀਆਂ ਘਟਾਵਾਂ
ਕੀ ਕਦੇ ਰੋਕ ਸਕੀਆਂ ਨੇ ਪੂਰੀ ਤਰ੍ਹਾਂ ?”
ਗ ਸ ਨਕਸ਼ਦੀਪ ਪੰਜਕੋਹਾ
